16-ára gamli Óli Eyðsteinsson Poulsen hevur spælt í øllum dystunum í Betri-deildini í ár. Í dag skoraði hann einsamalla málið í Leirvík fyri næstbesta liðið hjá KÍ, ið er oddalið (Mynd: Jens Kr.Vang)

9. umfar: KÍ framvegis ósigrað - B68 vann stórsigur í lyklauppgerð

Agnar Frederiksen

05.05.2018 - 22:09

Ítróttur > Ítróttur > Fótbóltur

Í dag var fult umfar í næstbestu deildini. Talan var um níggjunda umfar, og harvið er ein triðingur av kappingini nú leiktur.

Mest merkisverda úrslitið í dag var á Svangaskarði, har B68 av álvara setti kappingarneytan í uppflytingarstríðnum uppá pláss. Og so vísti KÍ enn einaferð, at liðið ikki er oddalið fyri einki:

Víkingur - KÍ 0-1(0-0)
B68 - ÍF 6-1 (2-0)
TB/FCS/Royn - NSÍ 0-5(0-2)
B71 - Skála 1-0(0-0)
Giza Hoyvík - HB 3-1(1-0)

Í Leirvík var oddaliðið á vitjan. Eins og í fremstu deildini, so spæla Víkingur og KÍ allaroftast tættast dystir í 1.deild, og soleiðis var tað eisini í dag. Einsamallið málið kom tíðliga í 2.hálvleiki. Og tað var 16-ára gamli klaksvíkingurin, Óli Eyðsteinsson Poulsen, ið gjørdist matchvinnari. Harvið er KÍ framvegis ósigrað, og hevur vunnið átta dystir á rað. 

ÍF varð sent heim við einum sekki. Fuglfirðingar hava verið heldur svingandi higartil, og uppflytarin tapti í dag heili 6-1. Toftamenn vóru á odda 2-0 í hálvleikinum eftir tvey stutt mál fyri steðgin. Esmar Clementsen gjørdist tvífaldur málskjútti tíðliga í 2. hálvleiki, men Hanus Eliasen minkaði til 3-1 stutt seinni. Seinastu tíggju minuttirnar skoraði heimaliðið tríggar ferðir, og harvið er liðið hjá Bill McLeod Jacobsen á slóðini aftur eftir ósigurin Í Klaksvík seinast.

Í Trongisvági greiddi unga NSÍ-liðið sína skyldu. Við trimum málum seint í dystinum gjørdist talan um sera greiðan sigur, og NSÍ er aftur á bronsuplássinum. B71 er í einari sera góðari gongd, og Markus Clementsen syrgdi í dag fyri, at sandoyingar vunnu á hinum uppflytaraliðnum. Og í Hoyvík vann heimaliðið 3-1 í grannauppgerðini. Óli Hansen skoraði tvær ferðir ímóti HB. Við sigrinum er Giza Hoyvík nú omanfyri strikuna.    

 Støðan:

1
9
8
1
0
27
6
+21
25
2
9
7
0
2
25
13
+12
21
3
9
6
2
1
22
10
+12
20
4
9
5
2
2
28
15
+13
17
5
9
5
0
4
17
18
-1
15
6
9
3
1
5
15
17
-2
10
7
9
2
2
5
10
15
-5
8
8
9
2
0
7
12
14
-2
6
9
9
2
0
7
11
17
-6
6
10
9
0
2
7
8
50
-42
2

(Kelda: Faroe Soccer)