Sverri Egholm

06.02.2016 - 14:07

Í annaðkvøld byrjar stóra finalan í amerikonskum fótbólti. Finalan eitur Super Bowl og hetta er hálvtrýssinstjúgundu ferð, at tað verður leikt.

Tað er ovur stórur áhugi fyri finaluni, sum helst er størsta tiltakið í amerikonskum ítrótti.

Seinastu árini hevur er áhugin blivin alsamt størri. Sambært Internation Business Times hevur hyggjaratalið sett met ár eftir ár síðani 2010, undantikið í 2013, tá San Francisco 49ers og Baltimore Ravens spældu. Eitt streymslit í triðingsumfarinum, sum vardi í 34 minuttir gjørdi, at fleiri mistu áhugan.

Í 2014 vóru tað 112,2 milliónir sum fylgdu við, í fjør vóru tað 114,4 milliónir og tað er eingin orsøk at halda, at rákið steðgar her. Í ár verður væntað, at í miðal 117 milliónir fara at hyggja eftir dystinum millum Carolina Panthers og Denver Broncos.

Super Bowl verður í annaðkvøld og sendingin á TV3+ byrjar klokkan 21 føroyska tíð. Sjálv finalan byrjar klokkan 23:30.

Les eisini: Super Bowl fyri hálvtrýssinstjúgundu ferð