Apple-pakki og 150.000 krónur til Klaksvíkar



Veitst tú eina søgu?

Er tað ein søga, sum ikki hevur staðið á Portalinum?
» Send inn

Sverri Egholm

25.05.2018 - 20:49

Mentan > Mentan > Miðlar & fólk

Gekkurin fór heldur ikki í kvøld, so næsta fríggjakvøld verður hann heilar 2.800.000 krónur.

Hans Christiansen úr Klaksvík kom ígjøgnum við fullari plátu. Mamma hansara, Maria Christiansen var fjarritari. Stóri gekkavinningurin varð settur á tann bláa leypin.

Hjólið var bara drigið einaferð í kvøld. Tað koyrdi bæði væl og leingi, og endaði á gula leypinum, har møguleiki var fyri at velja ymiskt virði á eini 40.000 umframt 150.000 krónur omaná.

Hetta var ov gott at siga nei til hjá klaksvíkinginum, sum tók av einum Apple-pakka frá Elding og hesum 150.000 skattafríu krónunum, sum gekkamanningin bjóðaði.

Nú nærkast veruliga teimum trimum milliónunum, og næsta fríggjakvøld eru 2.800.000 krónur uppá spæl.