(Mynd: The Oregonian)

Bakarí skal gjalda yvir 834.000 kr. í endurgjaldi til samkynt par



Veitst tú eina søgu?

Er tað ein søga, sum ikki hevur staðið á Portalinum?
» Send inn

Ari av Rana

03.01.2018 - 21:59

Tíðindi > Uttanlands > Politikkur

Sweet Cakes by Melissa-bakaríið í Oregon skal gjalda 834.398 kr. (135.000 dollarar) í endurgjald til Rachel og Laurel Bowman-Cryer, tí at eigarin av bakarínum noktaði at baka parinum eina brúdleypskøku.

Stríðið tók seg upp í januar 2013, tá Aaron Klein, sum eigur bakaríið, noktaði fyri at baka brúdleypskøkuna, tí at hjúnalag millum tvey av sama kyni, var í andsøgn við hansara kristnu trúgv, skrivar Huffington Post.

Rachel og Laurel Bowman- Cryer løgdu sak móti bakarínum, tí at tær mettu, at hetta breyt lóg, sum verjir LGBT-rættindi. Aaron og Melissa Klein, sum eisini eigur í bakarínum, vórðu dømd at gjalda endurgjald á 135.000 dollarar. Tey kærdu dómin í mars 2017.

Kærudómstólurin staðfesti dómin tann 28. desember 2017 við tí grundgeving, at tað ikki er loyvt at vísa kundum burtur av teirri kynsligu sannføring.