Ben Arabo, samtaksstjóri (Mynd: Betri)

Betri samtakið nýggja leiðslu

Tíðindaskriv

29.09.2017 - 13:40

Tíðindi > Pengar > Bankavirksemi

Betri P/F hevur í dag sett Ben Arabo í starv sum samtaksstjóra. Ben Arabo hevur starvast sum stjóri hjá Atlantic Petroleum síðan 2010. Hann hevur drúgvar royndir á vinnuøkinum og tekur við starvinum 1. desember 2017. Mortan Poulsen, umsitingarstjóri í Betri P/F, virkar framhaldandi sum fyribilsstjóri inntil Ben Arabo tekur við starvinum. Ben Arabo verður samstundis vanligur nevndarlimur í nevndunum fyri Betri Banka, Betri Trygging og Betri Pensjón.

Betri Banki hevur eisini fingið nýggjar stjórar. Jean Djurhuus, stjóri í Betri Trygging, er settur í starv sum bankastjóri og Olav Guttesen, vinnukundastjóri í Betri Banka, er settur sum varastjóri í bankanum.

Olav Guttesen tekur við starvinum beinanvegin og avloysir sostatt Bjørn Mortensen, sum hevur verið fyribilsstjóri í bankanum. Jean Djurhuus tekur við starvinum 1. desember 2017.

Betri Trygging hevur sett Ingunn Eiriksdóttir í starv sum stjóra á Betri Trygging. Ingunn Eiriksdóttir hevur starvast sum fyrisitingarstjóri hjá Tórshavnar Kommunu síðan 2013. Hon tekur við starvinum 1. desember 2017, tá hon eisini fer úr nevndini hjá Betri Trygging.