Øðrvísi ferðaætlan hjá Smyrli í morgin

- Vegna vána veðurforsøgn, og av tí at Smyril fer at sigla vestanfyri í morgin, mikudag 27. mars, verður siglt soleiðis á leið 7:
Av Krambatanga kl. 6:00 og kl. 14:30 Av Havnini kl. 11:00 og kl. 18:00. Roknast kann við, at siglingartíðin, tá siglt verður vestanfyri, verður tveir tímar og 30 minuttir.

Hesum boðar Strandferðslan frá á heimasíðu sínari seinnapartin. 

Fýra túrar verða sigldir ístaðin fyri seks túrar, sum vanligt annars er mikudagar. Tá siglt verður vestanfyri er siglingartíðin umleið hálvan tíma longri. 

Halgidagarnar, í sambandi við páskirnar, siglir Smyril sum sunnudag.