31 mistu nummarpláturnar í nátt

Løgreglan hevur aftur í nátt verið úti við saksinum. 16 bilar mistu pláturnar í norðurøkinum og 15 akfør í høvuðsstaðarøkinum.

Orsøkin er at vegskatturin fyri fyrra hálvár 2024 ikki er goldið.

Kann eigarin av akfarinum ikki vísa kvittan fyri goldna vegskattaeftirstøðu tekur politiið nummarspjøldrini av akfarinum.

Akstovan læt fyrr í vikuni politistøðunum kring landið 684 mál um vegskattaeftirstøður. So næstu dagarnar eru fleiri, sum kunnu vænta at missa pláturnar.