Innanlands

Løgmaður heldur flaggdagsrøðuna í Fámjin

Aksel V. Johannesen og Tvøroyrar Hornorkestur vitja bygdina, har fyrsta Merkið hongur. Flaggdagshaldið í Fámjin byrjar klokkan 14 hósdagin

Jens Oliver Lisberg tók fyrsta føroyska flaggið við til Fámjin, har tað framvegis er. Hósdagin heldur løgmaður røðu í bygdini í samband við flaggdagshaldið (Savnsmynd: Jens Kr. Vang)

Jens Oliver Lisberg tók fyrsta føroyska flaggið við til Fámjin, har tað framvegis er. Hósdagin heldur løgmaður røðu í bygdini í samband við flaggdagshaldið (Savnsmynd: Jens Kr. Vang)

2024-04-23 14:50 Author image
Agnar Prestá
placeholder

Hósdagin hátíðarhalda vit enn ein flaggdag. Tað eru líka yvir hundrað ár síðani, at tríggir útisetar í Keypmannahavn sniðgóvu og teknaðu flaggið.

Jens Oliver Lisberg, ið var løgfrøðilesandi og ein av teimum trimum, tók flaggið við heim til Fámjin í summarfrítíðini. 22. juni 1919 varð Merkið fyrstu ferð vundið á stong. Upprunaflaggið hongur framvegis í kirkjuni í Fámjin.

[object Object]

Tað varð tó ikki fyrrenn 25. apríl 1940, at Merkið - í neyðstøðu - varð viðurkent sum tjóðarflagg okkara.

Hósdagin verður dagurin hátíðarhildin kring landið. Millum annað í "flaggbygdini" Fámjin. Suðurrás skrivar, at flaggdaghald verður í Fámjin hósdagin klokkan 14.

Tað er Aksel V. Johannesen, løgmaður, sum heldur røðu, og Tvøroyrar Hornorkestur spælir.

Aftaná haldið er drekkamunur og annað í Vesturhøll.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder