Levi fekk gull og Martin noktaði at lúta fyri pínuni

Teir báðir føroysku racerunning íðkararnir Levi Hanusarson og Martin Johannessen hava seinastu vikuna verið í Danmark, har teir og venjari teirra, Gunnar Sivertsen, vegna Parasport Føroyar , hava omboðað Føroyar í RaceRunners Camp & Cup á Frederiksberg í Danmark.

Tá Martin Johannessen greiddi frá, hvussu gekk hjá teimum, segði hann:

"Fyri mítt egna viðkomandi gekk kanska ikki sum ætlað, eg eg bleiv skaddur, men eg eri stoltur av at eg, serliga á 400 m, stríddi meg á mál við nógvari pínu.

"Makkarin hjá mær, Levi, gjørdi eitt hál við tvær gull- og eina silvurmedalju uppá tríggjar teinar, og eg eri heilt ótrúliga stoltur av honum. Hetta er meira enn góðkent."

Í morgin ferðast teir heimaftur til Føroyar, og Martin Johannessen sigur, at tað verður við høvdinum høgt, og at hann kemur sterkt aftur næsta ár.

Myndir frá kappingini kunnu síggjast niðanfyri.