Innanlands

Løkke stuðlar sjálvstøðugum føroyskum OL-limaskapi

Danski forsetisráðharrin hevur sent stuðulsbræv til Ítróttasamband Føroya

Savnsmynd

Savnsmynd

2018-07-22 15:06 Author image
Alda Nielsdóttir
placeholder

Danski forsetisráðharrin, Lars Løkke Rasmussen, stuðlar føroyska stríðnum fyri at gerast sjálvstøðugt limaland í Altjóða Olympisku Nevndini (IOC).

Ítróttasamband Føroya fekk í síðstu viku stuðulsbræv frá Lars Løkke Rasmussen, har hann ger greitt, at hann stuðlar Føroyum.

Í brævinum skrivar Lars Løkke Rasmussen, at hann og danska stjórnin vísa sín fulla stuðul í stríðnum hjá Føroyum um sjálvstøðugan limaskap í IOC.

Lars Løkke Rasmussen vísur á, at Føroyar longu er eitt rættiliga sjálvstøðugt land, og tí heldur hann tað vera púra natúrligt, at Føroyar verða viðurkendar í IOC eins og onnur limalond, sum eru í somu støðu som Føroyar.

Føroyar hava hvørt ár síðan 1984 luttikið sum sjálvstøðugt land í parolympisku leikunum, har Føroyar hagartil hevur vunnið 13 heiðursmerki og skrásett 11 heimsmet.

Olympisku nevndirnar í Danmark, Noregi og Íslandi stuðla eisini Føroyum í at gerast sjálvstøðugt limaland í IOC.

Sum nú er noyðast føroyingar at luttaka í OL undir donskum flaggi.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder