Innanlands

Ólavsøkan umskapar Havnina

Sum verða man verða fleiri broytingar í ferðsluni í miðbýnum

Ólavsøkan umskapar Havnina
2018-07-23 09:52 Author image
Ari av Rana

Vit eru nú komin inn í Ólavsøkuvikuna og høvuðsstaðurin er farin at fyrireika seg til tjóðarhátíðina.

Skálatrøð er longu stongd fyri parkering, nú Tórshavnar Ítróttarráð er farið í gongd við at seta tivoli upp, og seinni í vikuni verða enn fleiri fyrireikingar gjørdar, sum fara at ávirka ferðsluna í Tórshavn.

Fríggjamorgunin verða fyrireikingar til Pridetiltakið á Vaglinum, og seinni um kvøldið stongir Tórsgøta. Tórshavnar kommuna boðar eisini frá, at eina løtu um kvøldið verður eisini stongt á Skálatrøð, Vágsbotni og Mylnugøtu, tí at ólavsøkurenningin er á skránni.

Á middegi ólavsøkuaftan er stongir miðbýuin heilt til 30. juli, kl 12.00. Trygdarklossar og Ansnibilar forða ferðslu at sleppa inn í miðbýin, og bert bussar sleppa at koyra tvørturum Niels Finsensgøtu á vegamótinum Bøkjararbrekka/Steinatún.

Ferðslan fer at glíða eitt sindur betri um morgunin ólavsøkudag, tí at áðrenn klokkan 10 ber til hjá akførum at koma inn á økið og gera ørindi. Tá verður koyrandi oman Tórsgøtu, og niðan Sigmundargøtu og Tinghúsvegin.

Meiri kunning um ferðslubroytingarnar á Ólavsøku sæst her.

placeholder
placeholder