Uttanlands

Stórir skógareldar í Svøríki

Fleiri lond hava sent hjálp

Skógareldarnir síggjast úr rúmdini (Mynd: ESA)

Skógareldarnir síggjast úr rúmdini (Mynd: ESA)

2018-07-23 12:20 Author image
Ari av Rana
placeholder

Stórir skógareldar herja í Svøríki í løtuni. Í skrivandi stund eru 43 skógareldar, sum enn ikki eru sløktir.

Svøríki hava fingið hjálp frá øðrum londum at basa eldarnar, eitt nú úr Danmark.

- Vit hava havt eitt mál at forða eldslogum at náa eitt øki, har eitt orkuverk liggur, og hetta hevur eydnast okkum, sigur Martin Vendelbo frá donsku tilbúgvingini.

Í gjár stóð illa til, tá fleiri sløkkiliðsfólk vórðu umgird av eldi og royki, tá tey royndu at basa einum eldi, sum hevur herja seinastu 11 dagarnar í Dalarna. Tey vórðu bjargaði í síðstu løtu av tveimum tyrlum, skrivar TV2.

Við í royndini at basa eldarnar eru eitt nú tvey flogfør úr Italia og Fraklandi, umframt at eitt flogfar er á veg úr Portugal at hjálpa til. Danmark, Norra, Litava, Týskland, Frakland og Pólland hava sent tyrlur til Svøríkis at hjálpa.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder