Ingi Samuelsen

23.07.2014 - 15:58

Danska kongaskipið Dannebrog vitjar á Havnini í dag.

Dannebrog er á veg til Grønlands í sambandi við at krúnprinsahjúnini Frederik og Mary saman við børnum teirra vitja í Suður- og Vesturgrønlandi í døgunum 1. til 8. august.

Tey skulu vitja Igaliko, Narsaq, Alluitsup Paa, Nanortalik, Qaqortoq og Upernaviarsuk í Suðurgrønlandi og Paamiut, Qeqertarsuatsiaat og Nuuk í Vesturgrønlandi.

Dannebrog kom á Havnina í morgun, og legði seg við oljubryggjuna á Vestaru Bryggju at bunkra olju. Í kvøld gongur leiðin víðari vestur um hav við kós móti Kappanum.