Danny & The Veetos á Okkara Voxbotn 2018

Tíðindaskriv

08.12.2017 - 11:20

Mentan > Tónleikur > Festivalar

Fyriskipararnir av Voxbotn kunnu í dag avdúka, at Danny & The Veetos verður millum mongu nøvnini, sum fara á pall á Okkara Voxbotn 2018, sum verður leygardagin 30. juni.

Danny & The Veetos mann nokk teljast millum best umtóktu tónleikabólkarnar í Føroyum. Løg sum “Sunnukvøld í mai” og “Allright” eru nærum blivin fólkaogn og á teimum konsertum, sum bólkurin hevur spælt, hevur bólkurin altíð megna at fingið allar áhoyrararar við.

Bólkurin er mannaður av Danny Baldursson, Páll Brim Joensen, Robert Waagstein, Jóhan Nolsøe, Símun Dam, Leivur Vitalis og Rúna Hentze, sum saman spæla lívsjáttandi pop-folk tónleik.

Umframt Danny & The Veetos, er longu avdúkað, at Nephew, Gilli, Byrta og Hardinger Band eisini fara á pall á Okkara Voxbotn 2018. Komandi tíðina verða enn fleiri nøvn avdúkaði.

Forsølan til Okkara Voxbotn 2018 hevur gingið sera væl. Ongantíð áður hevur gravgangurin eftir atgongumerkjum verið so stórur sum hesaferð, og fyriskipararnir vænta, at tað fer at verða útselt um ikki so langa tíð. Tað hevur verið útselt til Voxbotn øll árini - seinast fleiri mánaðar áðrenn Voxbotn byrjaði.