Mynd: Rolant Lenvig Av Reyni

Dart-stemningur í Mentanarhúsinum allan dag

Veitst tú eina søgu?

Er tað ein søga, sum ikki hevur staðið á Portalinum?

» Send inn

Ingi Samuelsen

14.04.2018 - 14:49

Ítróttur > Mentan > Frítíð

Í dag verður føroysameistarakapping í dart hildin í Mentanarhúsinum í Fuglafirði.

32 teir bestu menninir og 8 tær bestu kvinnurnar fara til Fuglafjarðar at dystast í einmansleiki og tvímansleiki.

Byrjað varð fyrrapartin við innleiðandi bólkaspølum. Seinnapartin verða cup-dystir á skránni.

Frá kl. 19 verða finalur á skránni, og tá verður ein dystur í senn spældur uppi á pallinum. Kringvarpið stroymir allar dystirnar á pallinum, og ætlanin er at skapa rættuliga dartstemning í Mentanarhúsinum í kvøld.

Tí vóna fyrireikararnir, at nógvir áskoðarar møta upp í Mentanarhúsinum at hyggja eftir okkara bestu dartspælarum, so vit kunnu fáa ein rættuligan FM-stemning út í hvønn krók í landinum.

Sámal Ravnsfjall hitar upp til finalurnar. Hann spælir og syngur frá klokkan 18.