Samleikin hjá ungum oyggjabúgvum

Samleikin hjá ungum oyggjabúgvum

2018-02-13 13:10 Author image
Elisa Vang

Firouz Gaini, lektari í antropologi og samfelagsvísindum á Søgu- og Samfelagsdeildini, hevur eina grein í nýggjastu útgávuni av tíðarritinum JORDENS FOLK, sum Dansk Etnografisk Forening gevur út. Tað skrivar Fróðskaparsetur Føroya á heimasíðu sína.

Greinin, ið kallast "Små steder – store drømme", lýsir eitt fjarskotið japanskt oyggjasamfelag úr sjónarhorninum hjá 15-18 ára gomlum ungdómi. Tilfarið varð savnað saman á Oki-oyggjunum á heysti 2015.

Greinin hyggur nærri at lokala samleikanum og framtíðartonkunum hjá teimum ungu – hvar tey ætla sær at lesa víðari og arbeiða, hvar tey ætla sær at búgva, o.s.fr. Endamálið við verkætlanini var at fáa betri innlit í sjónarmiðini hjá teimum ungu viðvíkjandi spurningum um t.d. burðardygga samfelagsmenning, lokala mentan og søgu, og flytføri (til- og fráflyting). Andsøgnin er, sum Godfrey Baldacchino nevnir í einum teksti, at smáar oyggjar bæði kunnu umboða paradís og fongsul, bæði kunnu vera opnar og stongdar. Og hetta ávirkar samleikan hjá oyggjabúgvum.

Firouz Gaini hevði herfyri framløgu um somu rannsóknarferð á ráðstevnuni Gransking í Føroyum 2017, ið var hildin í Norðurlandahúsinum. Hann varð eisini bjóðaður at halda fyrilestur um hetta forvitnisliga føroysk-japanska samstarvið innan samfelagsvísindi á  EAJRS (European Association of Japanese Resource Specialists) ráðstevnuni, sum var hildin á universitetinum í Oslo á heysti 2017. Seinni í ár skal Firouz Gaini til Japans at gera eina nýggja etnografiska kanning, sum eisini hyggur at framtíðini hjá oyggjaungdómi, skrivar Fróðskaparsetrið.

placeholder

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Terji murrar við til lívsins ró

Terji murrar við til lívsins ró

– Eg helt ikki, at eg dugdi nakað ávíst serliga væl, og tí valdi eg bara tað stuttligasta av teimum lutum, sum eg ikki dugdi...

Author image Leif Láadal

Meira langlesnaður