Fantastiskir oyggjaleikir hjá bogaskjúttunum

Ingi Samuelsen

29.06.2017 - 11:05

Ítróttur > Ítróttur > Bogaskjóting

Bogaskjúttarnir á Gotlandi hava havt einar fantastiskar oyggjaleikir í ár.

Krúnan varð sett á avrikið í dag, tá compound-liðið vann gull í head-to-head liðkappingini, meðan recurveliðið fekk bronsu.

Serliga fyri compound-skjúttan Anju Eydnudóttir hava leikirnir verið ein sigursferð at teimum heilt óvanligu.

Kvinnan, sum luttók á oyggjaleikum á øðrum sinni, var við í fimm kappingum, og vann gull í øllum fimm – reint borð.

Føroyska compoundliðið slapp beinleiðis í hálvfinalurnar, har tey vunnu á Jersey við 183 móti 179.

Í finaluni stóð Guernsey fyri skotum, og her gjørdist føroyski sigurin enn greiðari – 190 móti 173.

Recurveliðið kom beinleiðis í fjórðingsfinaluna, har tey vunnu á Falklandsoyggjum. Í hálvfinaluni taptu føroyingarnir móti Menorca, men dysturin um bronsuna gjørdist ein tryggur føroyskur sigur móti Álandi.