Fleiri sethús í gerð í Húsavík

Fólk vilja fegin byggja í Húsavík

Snorri Brend

29.08.2014 - 15:32

Tíðindi > Mentan > Bygdatíðindi

Tað hevur gingið afturá við fólkatalinum í Húsavík hesi seinastu árini.

Fyri fáum árum síðani búðu so mong sum 83 fólk í bygdini, meðan talið í fjør var lækkað við 12 – og var komið niður á 71.

Seinastu upplýsingarnir frá Hagstovuni vísa, at fólkatalið í Húsavík er vaksið nakað síðani, og er í dag 73.

Hesin veruleiki hevur kortini ikki tikið hugin frá fólki at búseta seg í vøkru og hugnaligu bygdini á eystursíðuni á Sandoynni.

Hóast eingin skúli er í bygdini, so eru í løtuni fleiri sethús í gerð, eins og myndin vísir.

Hetta skuldi tala fyri, at fólkatalið aftur kann fara at vaksa einaferð.