Hoyvíkar kirkja (myndin) og Kaldbaks kirkja verða nú skipað í egið prestagjald í Suðurstreymoy

Fólkakirkjan: Nýtt prestagjald er á veg

Veitst tú eina søgu?

Er tað ein søga, sum ikki hevur staðið á Portalinum?

» Send inn

Snorri Brend

09.01.2014 - 20:45

Tíðindi > Trúarlív

Í eina tíð hevur verið arbeitt við at fáa eitt triðja prestagjald í fólkaríkasta økinum í landinum – Suðurstreymoy.

Støðan í dag er hon, at hetta økið er býtt sundur í tvinnanda prestagjøld: Suðurstreymoyar vestara prestagjald við høvuðssæti í Vesturkirkjuni, og í Suðurstreymoyar eystara prestagjald við høvuðssæti í Dómkirkjuni.

Markið millum hesi bæði prestagjøldini er Tróndargøta, Varðagøta og Villingardalsvegur.

Men nú er komið so langt, at tað triðja prestagjaldið kann verða skipað í økinum í næstum.

Í eini heilsan á heimasíðuni hjá Fólkakirkjuni fegnast Jógvan Fríðrikson um, at lunnar nú eru lagdir undir tað, sum í framtíðini fer at eita Suðurstreymoyar norðara prestagjald.

Hetta prestagjaldið fer at fevna um kirkjurnar í Hoyvík og í Kaldbak, sum nú verða savnaðar í einum og sama prestagjaldi, meðan Dómkirkjan og Nólsoyar kirkja framvegis verða í tí eystara prestagjaldinum.