Mynd: EPA

Greipel vann síðsta teinin eftir kaotiskan enda

Sverri Egholm

24.07.2016 - 17:49

Ítróttur > Ítróttur > Súkkling

21. og seinasti teinurin í ársins Tour de France var í dag súkklaður í franska høvuðsstaðnum París á teininum Champs-Élysées. Tað var ein teinur, har tað varð súkklað í fleiri umførum í somu strekkjum í býnum.

Súkklað var við fullari ferð teir 113 kilometrarnar og í besta veðri í París.

Sky hevur verið framúr í alt ár, men í dag vóru teir heldur óskipaðir. Í dag komu teir samlaðir á mál í høvuðsbólkinum við Chris Froome í miðjuni.

Til síðst gjørdist alt eitt sindur kaotiskt. Fleiri av sprintarunum punkteraðu á brúgvasteinunum, meðan ein stórur endaspurtur fór í gongd. Sterkastur á mállinjuni í dag, eins og í fjør, var Greipel, sum var fyrstur á mál við tíðini 2:43:09 við harðari kapping frá Peter Sagan í grønutroyggjuni, sum gjørdist nummar tvey. Nummar trý á teinum í dag kom norðmaðurin Kristoff.

Hóast Chris Froome ikki var við í endaspurtinum í dag vann hann samlað. Peter Sagan vann sprintaratroyggjuna og Majka Rafal vann fjallatroyggjuna.