Tveir dystir hava verið leiktir í bestu mansdeildini í dag. Í báðum dystunum gjørdist talan um heimasigrar.

Greipuvinnararnir hava fingið eina góða byrjan uppá kappingarárið. Tríggir sigrar uppá tríggar dystir er úrtøkan higartil. H71 vann í dag 29-25 á Kyndli. H71 tók skjótt eina greiða leiðslu. Í hálvleikinum vóru hoyvíkingar á odda 18-8 málum. Í 2. hálvleiki kom Kyndil tó betri við. Tað endaði tó við tryggum sigri til H71, ið er oddalið. Kyndil hevur hinvegin fingið eina sera ringa byrjan uppá kappingarárið: 0 stig fyri tríggjar dystir. 

Fyri aðru ferð hesa vikuna vann Team Klaksvík. Klaksvíkingar vunnu 25-23 á Neistanum, og eru harvið væl við í FTZ-deildini. Team Klaksvík var ongatíð aftanfyri í dystinum, men dysturin var so at siga allatíðina sera spennandi og tættir. Heimaliðið megnaði at halda fast í leiðsluni, og eftir seinasta bríksl var stór frøi á mongu áskoðarunum í Klaksvík. Neistin fekk ikki hildið á við góðu gongdini, og tað sær út sum, at Badmintonhøllin fer at verða ein trupul útivøllur í ár.