Hátíðarhald av føroyskum og íslendskum tjóðarmati og brygging



Veitst tú eina søgu?

Er tað ein søga, sum ikki hevur staðið á Portalinum?
» Send inn

Tíðindaskriv

14.02.2018 - 14:49

Mentan > Heilsa & Umhvørvi > Matur

Komandi leygarkvøld bjóða Sirkus og ølbarrin Bjórkovin, ið Sirkus hevur á niðastu hæddini, saman við íslendska samstarvsfelaganum Borg Brugghús til Þorrablót veitslu í Vágsbotni.

Hetta er ein ókeypis veitsla, har tey fara at borðreiða smakkiroyndir av nýggjum útgávum av víðagitnu Borg-stoutini 'Surtur’, sum hvørt ár verður framleidd á fleiri ymsar hættir, harímillum nakrar eru lagraðar á tunnum. Afturat hesum verður bjóðaður íslendskur og føroyskur tjóðarmatur, durasnapsur, føroysk sjokuláta og annað gott afturvið.

Íslendsku og føroysku tjóðirnar smelta saman hetta kvøldið og hátíðarhalda hvønn annan á tamb.

Byrjað verður kl 20, og borðreitt verður ókeypis til tey fyrstu, ið koma, inntil kvotan er uppi.
Árni Theodór Long, ið er bryggjari hjá Borg, presenterar ymsu Surtarnar.

Þorrablót er ein íslendsk vetrarhátíð, sum fer fram júst hesar dagarnar, har fólk um alt Ísland hevur veitslur við íslendskum tjóðarmati, lesur úr gomlum bókmentum, drekkur íslendskt brennivín – og seinastu árini eisini íslendsku stout'ina Surtur, ið Borg Brugghús framleiðir hvørt ár upp undir hátíðina.