Mynd: Jens Kr. Vang

Hondbóltsfinalur í kvøld hjá kvinnum og monnum

Hørður heldur fram í Klaksvík

24.04.2018 - 20:17

Myndir: H71 - Neistin onnur FM-finala

21.04.2018 - 20:15

H71 er føroyameistari

21.04.2018 - 19:34

Upptakt: Winner takes it all

21.04.2018 - 14:55

» Fleiri

Veitst tú eina søgu?

Er tað ein søga, sum ikki hevur staðið á Portalinum?

» Send inn

Jens Hákun Leo

19.04.2017 - 08:11

Ítróttur > Ítróttur > Hondbóltur

Tað er í kvøld, at tær fyrstu finalurnar hjá ávikavist kvinnum og monnum standa á skránni.

Í finaluni í Hvonn deildini hittast Kyndil og Neistin í høllini á Hálsi kl. 18 í kvøld, meðan í finaluni í FTZ deildini hittast VÍF og H71 í ítróttarhøllini í Vestmanna kl. 20 í kvøld.

Neistakvinnurnar fingu flest stig í Hvonn deildini, meðan menninir hjá H71 fingu flest í FTZ-deildini, og eru tað tí hesi bæði liðini, sum fáa fyrimunin av at leika heimadystin í seinru finaluni – tó at tað í førinum hjá Neistinum valla fær nakran týdning, av tí at Kyndil, mótstøðulið teirra í finaluni, hevur sama heimavøll.

Seinru finalurnar verða leiktar leygardagin. Tá spæla H71 og VÍF kl. 16 í Hoyvíkshøllini, meðan Neistin og Kyndil spæla kl. 19.30 í høllini á Hálsi.

Skuldi tað verið neyðugt við einari triðju finalu, verður hon spæld sunnudagin:

kl. 17.00 Møgulig triðja kvinnu- ella mansfinala
Neistin – Kyndil (kvinnur)/H71 – VÍF (menn)
kl. 19.00 Møgulig triðja mansfinala
H71 – VÍF (menn)