Kiran Jóanesarson

16.04.2018 - 07:23

Uppsjóvarskipið Hoyvík er nú fari aftur til fiskiskap, eftir at hava ligið á Havnini í eina tíð.

Hoyvík fekk trupulleikar við aksilsgeneratorinum júst sum teir komu á svartkjaftafelti í altjóða sjógvi, og mátti tí sigla aftur til Føroyar, har trupulleikin skuldi loysast.

Arbeiðið er nú liðugt, og Hoyvík fór aftur til fiskiskap fríggjakvøldið.

Upplýst verður, at teir eru farnir á svartkjaftaveiðu sunnanfyri Føroyar, har hini svartkjaftaskipini eisini fiska í løtuni.