Sverri Egholm

03.01.2018 - 18:40

Magnus Magnussen, kommunulækni í Klaksvík, var beint undan jólum álopin á Læknamiðstøðini í miðbýnum í Klaksvík. Tað skrivar Norðlýsið í dag.

Magnus greiðir lokalblaðnum frá, at støðan var so álvarsom, at hann kendi seg hóttan við lívinum. Ógvusliga hendingin ávirkaði øll jólini, og hann kennir seg framhaldandi skelkaðan av tilburðinum.

- Eingin sjúklingur var í bíðirúminum, men tá eg komi inn á viðtalu mína stendur ein vælvaksin maður har og bíðar eftir mær. Eg kenni mannin sera væl, og hann var ávirkaður. Vit høvdu tosað saman í telefonini fyrr um dagin, har hann hevði biðið um at fáa ávíst slag av heilivági. Eg hevði noktað honum hetta, tí vit útskriva ikki heilivág til ávirkað fólk.

- Hann leyp á meg og rópti, at eg skuldi gera, sum hann dikteraði og forðaði mær fysiskt frá at sleppa út úr viðtaluni ella til telefonina, greiðir hann frá.

Les alla samrøðuna á nordlysid.fo her