Sverri Egholm

30.05.2018 - 20:50

Í einum málríkum fyrra hálvleiki tryggjaði B36 sær ein 4-2 sigur í Gundadali í kvøld, tá felagsliðið hjá suðuroyingum var á vitjan í hálvfinaluni um løgmanssteypið.

Bæði B36 viðhaldsfólk og suðuroyingar vóru væl mannaði í Gundadali í kvøld, har tey róptu á síni lið.

B36 royndi sítt við at skora, men tað eydnaðist ikki at halda tætt í hinum endanum, og tí gjørdist spenningurin stórur tá suðuroyarliðið minkaði um munin til 3-2. Men beint fyri hálvleik øktu teir hvítu um støðuna til 4-2.

Og hóast fleiri møguleikar vóru í seinna hálvleiki til bæði liðini, so komu ikki fleiri mál í Gundadali í kvøld.

Árstalsfelagið vinnur 4-2, og má sigast at hava annað beinið í finaluni hóast talan verður um ein sera harðan dyst á útivølli móti Suðuroyingum.

Seinnu hálvfinalurnar verða leiktar 13. juni.

B36 - TB/FCS/Royn (4-2)
Eli Falkvard Nielsen 1-0
Salmundur Bech 1-1
Kaimar Saag 2-1
Benjamin Heinesen 3-1
Salmundur Bech 3-2
Eli Falkvard Nielsen 4-2

Sí eisini myndir frá dystinum