Kevin De Bruyne javnaði til 1-1 (Mynd: EPA)

Manchester City sigraði í evstu løtu



Veitst tú eina søgu?

Er tað ein søga, sum ikki hevur staðið á Portalinum?
» Send inn

Ari av Rana

09.01.2018 - 23:14

Ítróttur > Ítróttur > Fótbóltur

Fyrsta hálvfinalan í Carabao Cup varð spæld í kvøld, og tað vórðu favorittarnir úr Manchester City, sum sigraðu á Bristol City.

Bristol City hevði eina torføra uppgávu fyri framman á útivølli móti oddaliðinum í Premier League. Men sigurin á Manchester United í seinastu rundu gav teimum vón.

Tað var eisini Bristol City, sum legði seg á odda eftir 44 minuttir, tá John Stones feldi Bristol City leikaran Bobby Reid í brotsteiginum. Bobby Reid tók sær sjálvur av brotssparkinum og legði gestirnar á odda 0-1.

Tá 55 minuttir vóru leiktir, fekk Kevin De Bruyne bóltin á egnari hálvu, rann fram til brotsteigin hjá Bristol, spældi bóltin út til Raheem Sterling, sum spældi bóltin beint aftur til Kevin De Bruyne, og kundi hann lættliga sparka bóltin í málið til støðuna 1-1.

Dysturin varð ikki avgjørdur fyrrenn 92 minuttir vóru spældir, tá Bernardo Silva sendi ein bólt inn í brotsteigin. Beint framman fyri Bristol City málverjanum stakk Sergio Aguero høvdið upp og skallaði bóltin í málið til endaligu støðuna 2-1.

Liðini skulu spæla seinnu hálvfinaluna 23. januar.

Í morgin er aftur hálvfinala í Carabao Cup. Tá tekur Chelsea ímóti Arsenal.