Martin Thorborg luttekur á Ársins Íverksetaradegi 11. mai



Veitst tú eina søgu?

Er tað ein søga, sum ikki hevur staðið á Portalinum?
» Send inn

Sverri Egholm

04.04.2018 - 20:46

Tíðindi > Vinna & Tøkni > Íverksetan

Navnframi íverksetarin Martin Thorborg, sum hevur stovnað, rikið og selt nógvar fyritøkur, verður høvuðstalari á Íverksetaradegnum 11. mai.

Tað eru Knassar og Íverksetarahúsið, sum saman hava fingið Martin Thorborg til Føroya. Hann er millum annað kendur fyri Jubii, Amino og bókhaldsskipanina Dinero.

Umframt hetta verður handan av Granum til ársins árverksetara, ársins innovatión og ársins íløgu.

Við at vísa áræði og dirvi kunnu íverksetarar heysta vinningin og bera gullið av heiði, sum Grani gjørdi á sinni. Íverksetarahúsið heiðraði føroyska íverksetan fyrstu ferð í 2009, og hevur gjørt tað hvørt ár síðani. Føroya Løgmaður Aksel V. Johannesen handar heiðurin fyri Ársins Íverksetara.

Íverksetaradagurin verður hildin í Østrøm í Tórshavn. Tiltakið byrjar fríggjadagin 11 mai. 2018 klokkan 10 og heldur fram til á middegi.

Øll við áhuga fyri íverksetan eru vælkomin til tiltakið, sum er ókeypis, men best er um fólk boða frá luttøku á Facebook her.