(Mynd: EPA)

Norðmaður setti OL-met í kappskoyting

Ari av Rana

19.02.2018 - 16:16

Ítróttur >

Norski Håvard Holmefjord Lorentzen setti í dag OL-met og vann fyrstu norsku gullheiðursmerki í 500 metrar kappskoyting í 70 ár.

- Hetta var ein framúr kapping. At seta OL-met er næstan óveruligt, sigur Lorentzen við NRK.

Lorentzen visti ikki hvat tíðin bleiv til, men hann væntaði, at hann hevði gjørt okkurt heilt serligt.

- Eg væntaði at tað var skjótt nokk til eitt heiðursmerki, segði 25 ára gamli norðmarðurin.

Fyrr á degnum megnaði suðurkoreanski Min-Kyu Cha at skoyta eins skjótt sum OL-metið á 500 metrum við tíðini 34:42. Men Håvard Holmefjord Lorentzen var eina tonn betri, og megnaði at skoyta teinin á 34:41 og setti harvið OL-met.

Við gull heiðursmerkinum hjá Lorentzen hevur Norra vunnið 10 OL-gull hesar leikirnar.