Faroe Petroleum eigur í fleiri stórum oljufeltum í Norðsjónum

Norskt felag heldur fram at keypa partar av Faroe Petroleum



Veitst tú eina søgu?

Er tað ein søga, sum ikki hevur staðið á Portalinum?
» Send inn

Jan Müller

16.04.2018 - 11:23

Oljan >

Norska oljufelagið DNO, sum herfyri keypti ein stóran bita av oljufelagnum Faroe Petroleum, heldur eftir øllum at døma fram við at keypa partabrøv í Faroe, sum tað eisini verður nevnt í altjóða miðlum. DNO hevur sambært miðlum í bæði Norra og Skotlandi um vikuskiftið keypt nøkur prosent aftrat í felagnum, soleiðis at tess ognarpartur nú er 28,7%.

Í farnu viku vórðu stóru tíðindini í oljumiðlaverðini, at DNO í trimum umførum hevði keypt tilsamans 27% av Faroe Petroleum her fyrst og fremst stóra ognarpartin hjá einum ísraelskum felag, Delek.  Umboð fyri DNO gjørdu tó greitt, at tað var ikki ætlanin at keypa upp meirilutan í felagnum. DNO segði í eini viðmerking, at tað stuðlaði leiðsluni í felagnum í tess royndum at vaksa um sítt virksemi í Norðsjónum. Sambært bretskari lóg skal tað ganga eitt hálvt ár frá tí, at eitt felag hevur keypt upp 30% av øðrum felag til tað kann bjóða uppá alt felagið tvs. yvirtaka tað skrivar Energy Voice, sum eins og Faroe Petroleum hevur heimstað í Aberdeen.

Herfyri úttalaði sjórin í Energy Institute við lærda háskúlan í Aberedeen, John Scrimgeour, at DNO var í ferð við at yvirtaka Faroe Petroleum við sínum uppkeypum. Hví skuldi tað annars keypa so stórar partar av felagnum spurdi hann. 

Norska felagið DNO, sum fyrr hevði heitið: ”Det Norske Oljeselskab” og sum er tað elsta í Noregi frá 1972, hevur seinastu árini virkað í kurdiska partinum av Iraq. Nú hevur tað so vent eygunum aftur móti Norðsjóvarleiðunum.