http://msm.portal.fo/ en joannes@sosialurin.fo Copyright 2012 2012-05-16T22:40:41+00:00 http://oljan.fo/grein/amerikanarar_funnu_norsku_oljuna_nu_vilja_nordmenn_finna_ta_foroysku http://oljan.fo/grein/amerikanarar_funnu_norsku_oljuna_nu_vilja_nordmenn_finna_ta_foroysku#When:11:41:51Z
“Vit vóru lærlingar, tá amerikanarar fyri skjótt fimti árum funnu oljuna í Norðsjónum. Í dag eru vit lærumeistarar og kunnu fara út í onnur lond at læra tey út frá okkara royndum og vitan. Føroyingar skulu vera vælkomnir til at læra av okkara royndum til at finna oljuna og byggja upp egnar førleikar”. Hetta sigur norski sendiharrin í Danmark, Jørg Willy Bronebakk við oljan.fo

Stoltenberg vitjar á fyrstan sinni
Í morgin, hósdagin 17. mai, sum er norskur tjóðardagur, kemur eingin minni enn sjálvur norski forsætisráðharrin, Jens Stoltenberg á almenna vitjan í Føroyum. Hetta verður hansara fyrsta vitjan her á klettunum, góð 1000 ár eftir at hansara og okkara forfedrar settu segl og kósina út í Atlantshav móti eitt nú Føroyum. Stoltenberg, sum kemur higar úr Hetlandi, fer at hava fund við løgmann og vera við til føroyskt-norskt mentanartiltak í Norðurlandahúsinum.
Løgmansskrivstovan boðar frá, at løgmaður fer at umrøða fleiri aktuell mál við norska starvsbróðurin, harímillum eisini oljumál og gongdina í Arktis. Hetta vóru eisini mál, sum norski sendiharrin í Danmark, Jørg Willy Bronebakk umrøddi, tá hann fyri eini tíð síðani vitjaði í Føroyum. Tá fekk oljan.fo orð á sendiharran og spurdi hann, hvussu Norra sær uppá møguleikarnar fyri oljusamvinnu við Føroyar.
Spennandi tíð
Jørg Willy Bronebakk: “Hetta er ein sera spennandi tið hjá føroyingum, tá talan er um at finna olju og gass á føroyska landgrunninum. Eg skilji, at að hava verið gjørdar fleiri boringar fyrr, men at man hevur havt trupulleikar við at koma gjøgnum basaltið. Nú stendur Statoil so fyri tí áttandu boringini og eg kann sum norðmaður bara fegnast um, at Statoil er partur av leitingini í Føroyum og fer at bora fleiri brunnar komandi árini. Vónandi fer Statoil at raka við olju í undirgrundini í lønandi nøgdum.”
Jørg Bronebakk heldur, at tað er eitt gott val fyri føroyingar, at eitt felag sum Statoil stendur á odda fyri leitingini her, tí felagið hevur nógvar royndir við at leita eftir olju og gassi og hevur síðani 70-unum bygt upp nógva vitan, sum nú eisini kann gagna Føroyum og vónandi gera sítt besta til, at oljan verður funning.
Frá lærlingi til lærumeistara
“Í byrjanini – tá oljuvinnan sá dagsins ljós í Norðsjónum fyri skjótt fimti árum síðani - vóru vit lærlingar. Tað vóru amerikanarar, sum lærdu okkum um hesa nýggju vinnuna. Nú standa vit sjálvi á odda tøkniliga, tá tað snýr seg um at leita eftir og finna olju ella gass. Og tí kunnu vit nú eisini vera við til at læra onnur um olju og oljuleiting. Og her haldi eg vit kunnu fáa eitt gott samstarv við føroyingar.”
Norski sendiharrin heldur eisini, at tað er gott fyri Føroyar, at tað nettupp er eitt felag sum Statoil, ið hevur flestu leitiloyvini og harvið er lokomotivið. Her hugsar hann eisini um mentanarligur, politisku og búskaparligu bondini millinum londini bæði.
“Statoil varð stovnað í 1972 og hevur tí drúgvar royndir, ikki bara á norskum øki men eisini nógva staðni kring heimin og hevur ment seg til at vera eitt gott og trygt felag við stórum kunnleika og ekspertisu, og eg eri sannførdur um, at felagið fer at troyta sína vitan og royndir til frama fyri Føroyar og felagið sjálvt.”
Læra av norskum roydnum
Oljan.fo spurdi norska sendiharran, hvat hann heldur er tað mest týðandi, sum Føroyar kunnu læra av norsku oljuroyndunum.
“Tit kunnu læra nógv. Fyri tað fyrsta haldi eg tað hevur stóran týdning at fáa føroyingar til arbeiðis í øllum liðum í oljuvinnuni, soleiðis at tit byggja upp egnan kunnleika og royndir og harvið gerast minni heft av øðrum, tá oljan kemur. Harnæst haldi eg eisini, at føroyingar kunnu læra av norsku royndunum at handfara oljumilliardirnar rætt, tá og um oljan verður funnin. Eg havi skilt, at tit í Føroyum longu hava tikið stig til ein grunn, sum kann tryggja, at inntøkurnar allar ikki verða brúktar alt fyri eitt. Tá oyðileggur tú búskapin og tú letur ikki inntøkurnar koma komandi ættarliðum til góða.
Stóran týdning
-Hava oljan og gassið verið góð fyri Norra?
“Tað haldi eg avgjørt. Tey hava gjørt, at vit hava megnað at útvikla okkara samfelag víðari. Vit hava altíð havt góðar royndir við vatnorku, sum varð ein fortreyt fyri ídnaðarmenningini. Nú vit hava funnið olju og gass hava vit megnað at fjøltátta vinnuna ikki bara fíggjarliga men har vit eisini hava kunnað útbygt vinnuna á landi - á einum sera høgum støði í øllum liðum.
Menningin av oljuídnaðinum á landi hevur so havt við sær, at vit hava kunnað bygt upp eina útflutningsvinnu á oljuøkinum, sum hevur havt við sær, at norskar vørur og tæntastur nú finnast kring allan heimin. Og hetta ger, at vit framhaldandi kunnu forvinna pengar, eisini tá oljan fer at minka á norska landgrunninum.
Arktis
-Hvussu stóran týdning hevur arktiska økið fyri framtíðar menningina av norskari oljuvinnu og eisini øðrum vinnugreinum?
“Stjórnin sigur, at norðurøkini hava alstóran strategiskan týdning fyri Norra, ikki bara á oljuøkinum men eisini innan sjóflutning og á veðurlags- og umhvørvisøkinum. Og henda menning skal so byggja á samstarv millum øll londini í Arktis og onnur lond, sum kunnu hava áhuga fyri økinum. Og tá talan er um olju og gass, so er greitt, at marknaavtalan vit hava fingið við Rusland í Barenthavinum fer at hava stóran týdning fyri framtíðina. Hetta hevur týdning fyri Norra og fyri Rusland, sum kunnu fara undir leiting í einum øki, har lítið og einki virksemi hevur verið fyrr.

Norra fann nógva olju í sjeyti og átta talinum, Síðani hevur tað verið í lakara lagi, tó at fund framvegis verða gjørd í Norðstjónum, Vit fara so at leggja stóra orku í at finna nýggj felt í Norðsjónum og ikki minst í Barentshavinum.
Føroyingar sjálvir sita á oljuvinnuni
Norski sendiharrin, sum varð við, tá Atlantic Airways lat upp nýggja til rutu til Bergen í 2011, heldur, at henda nýggja rutan kann vera við at knýta enn tættari bond millum londini bæði.
“Vónandi kann henda nýggja farleiðin gagna teimum mongu føroyingunum, sum arbeiða í norskari olju- og frálandavinnu.”
Hann heldur tað vera sera týdningarmikið, at føroyingar útbúgva seg til at arbeiða í oljuvinnuni og fáa sær arbeiði í eitt nú Noregi, so teir ein dag vónandi kunnu venda heimaftur til Føroya at arbeiða í eini føroyskari oljuvinnu.
Oljan.fo og FOÍB, Faroe Oil Industry Group ynskja norska forsætisráðharranum, Jens Stoltenberg vælkomnan til Føroya.

Myndir:
Jørg Willy Bronebakk, sendiharri her saman við Johan Dahl, olju- og vinnumálaráðharra, og Rúna M. Hansen, Statoilstjóra, tá Atlantic Airways lat upp nýggja rutu til Bergen í fjør.

Norski sendiharrin saman við Magna Arge, stjóra í Atlantic Airways.

Myndir: oljan.fo/Jan Müller
]]> 2012-05-16T11:41:51+00:00 http://sportal.fo/grein/topplidini_vunnu_trygt http://sportal.fo/grein/topplidini_vunnu_trygt#When:22:40:41Z Fýra dystir vóru á skránni í kvøld. Oddaliðið AB var í Klaksvík. Úrslitið var 4-0 til AB eftir 3-0 leiðslu í hálvleikinum. Sigurin ber við sær, at AB framvegis hevur fult stigatal.
07 Vestur hevði vitjan av EB/Streymi, og úrslitið var 4-1, eftir at EB/Streymur legði seg á odda, og støðan var 1-1 í hálvleikinum.
Grannauppgerðina á Svangaskarði vann B68 5-2 á NSÍ, sum er aftast.
Skála megnaði ikki á útivølli at vinna á Víkingi. Úrslitið var 1-1, eftir at Víkingur var á 1-0 eftir 1. Hálvleik.
Síðsti dysturin í 8. umfari er millum HB og B71, sum hittast hóskvøldið í næstu viku.

Støðan
Støðan
AB 24 stig
07 Vestur 22 stig
Víkingur 13 stig
Skála 10 stig
KÍ 10 stig
B68 10 stig
HB 7 stig
B71 7 stig
EB/Streymur 5 stig
NSÍ 3 stig
]]> 2012-05-16T22:40:41+00:00 http://aktuelt.fo/grein/sudurevropear_flyta_til_tysklands http://aktuelt.fo/grein/sudurevropear_flyta_til_tysklands#When:22:20:47Z
Tøl hjá týsku myndugleikunum vísa, at í fjør komu 23.800 grikkar til Týsklands, og tað var heili 90 prosent meiri enn árið fyri. 30.200 italiumenn fóru til Týsklands í fjør slla 23 prosent fleiri enn í 2010, og úr Spania komu 20.700 fólk ella 52 prosent fleiri enn í fyrraárið.

Hagtølini vísa, at tey flestu, sum leita sær úr Suðurevropa til Týsklands, eru millum 30 og 45 ára gomul, og at tey vilja sleppa at búgva í býum, har tey eiga vinir ella skyldfólk frammanundan.

Tilsamans fluttu 985.000 útlendingar til Týsklands í fjør, og 678.000 fólk fóru úr Týsklandi, sum hevur umleið 81,5 milliónir íbúgvar. ]]> 2012-05-16T22:20:47+00:00 http://sportal.fo/grein/liverpool_koyrir_dalglish http://sportal.fo/grein/liverpool_koyrir_dalglish#When:21:49:30Z
61 ára gamli Dalglish førdi Liverpool til sigurs í Carling Cup og í finaluna í FA Cup, men tað var ikki nóg mikið fyri amerikansku eigararnar, tí Liverpool endaði við einum áttanda plássi í Premier Leagu og harvið heilt uttan fyri europeisku kappingarnar.

Sambært BBC Sports sigur Dalglish, at hann varð koyrdur á ein tignarligan og virðisligan hátt.

Eigararnir, Fenway Sports Group, sigur í skrivi, at avgerðin at koyra Dalglish ikki hevur verið løtt ella framd í skundi, og at leitanin eftir einum avloysara byrjar beinanvegin.

Verandi Wigan-venjari, Roberto Martinez, og fyrrverandi venjarin, Rafael Benitez, verða mettir sum bestu boðini millum veddingarfyritøkurnar.]]> 2012-05-16T21:49:30+00:00 http://aktuelt.fo/grein/carlos_fuentes_deydur http://aktuelt.fo/grein/carlos_fuentes_deydur#When:21:35:48Z
Carlos Fuentes verður roknaður sum ein av teimum týdningarmestu latínamerikonsku rithøvudunum, og bøkur hansara eru týddar til fleiri mál. Bókin "Gringo Viejo", sum kom út í 1985, gjørdist mest selda bók í USA, og seinni bleiv hon gjørd til film við Gregory Peck og Jane Fonda sum høvuðsleikarum.

Fuentes var javnan í USA og helt fyrilestur á lærdum háskúlum so sum Princeton, Harvard og Columbia.

Carlos Fuentes doyði á einum sjúkrahúsi í Meksiko býi í gjár, eftir at hann hevði fingið trupulleikar við hjartanum. ]]> 2012-05-16T21:35:48+00:00 http://aktuelt.fo/grein/kina_misnogt_vid_samstarv http://aktuelt.fo/grein/kina_misnogt_vid_samstarv#When:20:00:13Z
Í Beijing hevur Bob Carr hitt millum annað uttanríkisráðharran, Yang Jiechi, og tíðindastovurnar skriva, at hernaðarsamstarvið millum Avstralia og USA var høvuðsevnið á fundinum. Kina er serliga misnøgt við, at Avstralia hevur givið amerikanarunum loyvi til at byggja eina herflotastøð í Darwin har norðuri í Avstralia, og at 2.500 amerikanskir herflotamenn skulu hava støð har. Men avstralskir og amerikanskir eygleiðarar hava sagt, at herflotastøðin er ein beinleiðis avleiðing av, at Kina hevur nútímansgjørt sín herflota og hótt við at brúka hermegi til at loysa trætur um ræðisrættin yvir leiðum í Suðurkinesiska havinum.

Bob Carr og Yang Jiechi tosaðu eisini um samhandil. Kina er tað landið, sum keypir mest av avstralskum vørum, og sum er fer ein fjórðingur av avstralska útflutninginum til Kina. ]]> 2012-05-16T20:00:13+00:00 http://aktuelt.fo/grein/tyskur_radharri_fingi_sekkin http://aktuelt.fo/grein/tyskur_radharri_fingi_sekkin#When:19:14:18Z
Avgerðin er ein beinleiðis avleiðing av landspartavalinum í Nordrhein-Westfalen seinasta vikuskiftið. Har stillaði Norbert Röttgen upp sum oddavalevni hjá stjórnarflokkinum CDU, men valið gjørdist ein dyggur smeitur fyri flokkin, sum fekk 26 prosent av atkvøðunum, meðan Sosialdemokratarnir fingu 39 prosent.

Ósigurin í Nordhrein-Westfalen verður mettur sum eitt álvarssamt bakkast fyri Angelu Merkel. Tann 46 ára gamli Röttgen hevur leingi verið ein av hennara næstu samstarvsfeløgum, og hann hevur av og á verið umrøddur sum ein møguligur eftirmaður hjá henni sum floksformaður.

Tað var væntandi, at Norbert Röttgen fór at missa ráðharrasessin, eftir at hann segði seg úr øllum álitisstørvum hjá CDU sunnukvøldið, tá valúrslitið kom. Í hansara stað sum umhvørvismálaráðharri kemur Peter Altmaier, sum eisini er úr CDU. ]]> 2012-05-16T19:14:18+00:00 http://aktuelt.fo/grein/sedlarnir_koma_ut_klokka_20.30 http://aktuelt.fo/grein/sedlarnir_koma_ut_klokka_20.30#When:19:00:00Z
Grindin var 63 hval, og verður skift til Hvalbiar Sókn, Froðbiar Sókn og Fámjin.

Eftir at grindin gjørdi landgongd, varð hon sleipað út á Drelnes. Og har koma seðlarnir út klokkan 20.30 í kvøld, sigur sýslumaðurin, Jaspur Vang.]]> 2012-05-16T19:00:00+00:00 http://aktuelt.fo/grein/nyggj_utjavningaravtala_i_danmark http://aktuelt.fo/grein/nyggj_utjavningaravtala_i_danmark#When:18:20:34Z
Útjavningaravtalan fer at kosta kommunum við stórum skattainntøkum so sum Rudersdal, Gentofte og Hørsholm mest, meðan kommunur við lágum skattainntøkum so sum Guldborgsund og Langeland fáa mest burtur úr avtaluni. Eitt nú fer avtalan at geva Langeland Kommunu, sum hevur beint oman fyri 13.000 íbúgvar, 47 milliónir krónur.

Tilsamans skulu 11 milliardir krónur takast frá teimum ríkastu kommununum. 63 kommunur fáa ágóða av avtaluni. ]]> 2012-05-16T18:20:34+00:00 http://sportal.fo/grein/topplidi_er_i_klaksvk http://sportal.fo/grein/topplidi_er_i_klaksvk#When:16:47:44Z AB er einasta liðið, sum í sjey teimum fyrstu umførunum hevur vunnið fullia úrtøku. Í kvøld skulu argjamenn royna seg á útivølli ímóti teimum næstbestu hjá KÍ.
07 Vestur misti fyrstu stigini í vikuskiftinum, tá ið teir á Skála spældu 2-2. Í kvøld eigur 07 Vestur heimavøll ímóti EB/Streymur, sum er næstaftast.

Í kvøld
07 Vestur-EB/Streymur: Bent Tommy Linklett kl. 19.00
B68-NSÍ: Johan Petur Michelsen kl. 19.00
KÍ-AB: Rói Jacobsen kl. 19.30
Víkingur-Skála: Súni Fríði Barbá kl. 19.30
Hósdagin 24. mai
HB-B71: Kári J. á Høvdanum kl. 18.00

Støðan eftir 7 umfør
AB 21 stig
07 Vestur 19 stig
Víkingur 12 stig
KÍ 10 stig
Skála 9 stig
HB 7 stig
B71 7 stig
B68 7 stig
EB/Streymur 5 stig
NSÍ 3 stig]]> 2012-05-16T16:47:44+00:00 http://aktuelt.fo/grein/atlantsflog_43_millionir_i_halli http://aktuelt.fo/grein/atlantsflog_43_millionir_i_halli#When:16:20:47Z
Hetta er lakari úrslit enn í fjør, tá hallið fyrsta ársfjórðing var 2,1 milliónir. Felagið sigur í tíðindaskrivi, at fyrsti ársfjórðingur er vanliga lakur, men í ár var hann søguligur, tí tá fór Airbus-flogfarið í regluliga rutuflúgving millum Føroyar og Danmark.

Høgir oljuprísir, útreiðslur í sambandi við Airbus-flogfarið og minkandi virksemi í leiguflúgvingini høvdu við sær, at úrslitið fyrsta ársfjórðing í ár gjørdist heldur lakari enn í fjør. Rutuflúgvingin øktist tó. Samlaða sølan vaks úr 84 mió. kr. fyrsta ársfjórðing í fjør upp í 91 mió. kr. sama tíðarskeið í ár.

– Tað er altíð tungt at fáa endarnar at røkka saman í vetrarhálvuni, og so var eisini hesaferð. Vit hava kortini vónir um betri úrslit sum frálíður, men høgi oljuprísurin er kortini ein støðug avbjóðing, sigur Magni Arge, stjóri í Atlantic Airways.

Farnu mánaðirnar hava verið søguligir hjá felagnum. Tann 28. mars varð nýggja Airbus 319- flogfarið sett í flúgving. Samstundis tók felagið sum fyrsta felag í Evropa í nýtslu navigatiónsskipanina RNP AR 0.1, sum økir um trygd og reglusemi við fráferð og lending.

– Tá Airbus-flogfarið varð sett í flúgving, minkaði oljukostnaðurin fyri hvønn ferðandi, og nýggj prísskipan varð stutt frammanundan sett í gildi. Hesi átøk høvdu gildi so stutt fyrsta ársfjórðing, at ávirkanin av teimum sæst ikki fyrr enn annan ársfjórðing, sigur Magni Arge.

Airbus 319-flogfarið fer í høvuðsheitum at verða brúkt á leiðini til Danmarkar, men í summar skal flogfarið eisini flúgva beinleiðis til Barcelona.

– Sjálv flúgvingin við Airbus-flogfarinum hevur riggað sær væl, og ferðafólkini hava verið fegin um flogfarið. Vit gleða okkum til næstu avbjóðingarnar bæði viðvíkjandi rutuflúgving og leiguflúgving, sigur Magni Arge.

Serliga Noreg sum stendur fyri tørni í næstum, tí Atlantic Airways fer at flúgva alt árið til Bergen.

– Felagið hevur gjørt av at leingja summarflúgvingina til Bergen, so hon røkkur fram til endan av oktober. Í vetur er ætlanin at flúgva umvegis Bergen á farleiðini til Billund tvær ferðir um vikuna, sigur Magni Arge.]]> 2012-05-16T16:20:47+00:00 http://aktuelt.fo/grein/carita_bjorklund_forkvinna_i_mbf http://aktuelt.fo/grein/carita_bjorklund_forkvinna_i_mbf#When:16:10:09Z
Tvey valevni vóru at velja ímillum, Carita Bjørklund og Maria Olsen. Og tað valið fall Caritu Bjørklund til fyrimunar.

Hon hevur royndir innan felagsarbeiði, og hevur eitt skifti verið forkvinna í Pedagogfelagnum, og tað er næstan neyðugt, tí tey flestu eru samd um, at tað verður ikki lætt at fylla skógvarnar hjá Leilu Solmunde.

Tveir aðrir nevndarlimir stóðu eisini fyri vali, Sigrun Wardum og Jensa Heinesen, og tær vórðu báðar afturvaldar í starvsnevndina
]]> 2012-05-16T16:10:09+00:00 http://sportal.fo/grein/venjarin_hja_liverpool_farin_fr http://sportal.fo/grein/venjarin_hja_liverpool_farin_fr#When:15:57:55Z
Kenny Dalglish hevur í hesum døgum verið í USA har hann hevur fundast við John W. Henry og FSG, sum eigur og rekur fótbóltsfelagið. Fyrr í ár varð ítróttarstjórin, Damian Comolli, koyrdur frá. Nú fer Kenny Dalglish sama vegin.

Fyribils verða menn sum Roberto Martinez(Wigan) og fyrrverandi Liverpool venjarin, Rafael Bentiez, settir í samband við starvið.
]]> 2012-05-16T15:57:55+00:00 http://aktuelt.fo/grein/nyggj_nevnd_i_samanlogdum_felag http://aktuelt.fo/grein/nyggj_nevnd_i_samanlogdum_felag#When:15:23:19Z
Í nývaldu nevndini sita: Majbritt Mohr, forkvinna, Kerstin Laksáfoss, næstforkvinna, Gunvør Sigurðsson, Jóhanna Henriksen og Sveinbjørn Olsen nevndarlimir. Tiltakslimir eru Anna-Britt Eið og Sunrid Berg. Nevndin í Heilsurøktarafelagnum hevur havt sín fyrsta fund og má staðfesta, at vit hava nógvar samfelagsligar avbjóðingar fyri framman.

Heilsurøktarafelagið vil millum annað arbeiða fyri, at Føroyska samfelagið hevur ein vælskipaðan arbeiðsmarkna, har eisini heilsurøktarar hava sítt pláss og virka við sínum førleikum, soleiðis at alt teirra tilfeingi verður brúkt til fulnar.

Feløgini høvdu undan samanleggingini skipað fyri eini búmerkjakapping. Á aðalfundinum varð nýggja búmerkið avdúkað. Vinnarauppskotið átti Marita Sivertsen úr Klaksvík.

Á myndini er nýggja nevndin fremst frá vinstru: Jóhanna Henriksen, Majbritt Mohr, forkvinna, og Gunvør Sigurðsson. Aftast standa Kerstin Laksáfoss, næstforkvinna, og Sveinbjørn Olsen]]> 2012-05-16T15:23:19+00:00 http://aktuelt.fo/grein/lararar_motmla http://aktuelt.fo/grein/lararar_motmla#When:14:29:30Z
Og hesum mótmæla lærararnir í føroyskum nú.

Soljóðandi fingu lærarar sendandi í gjár:

»Til færøsk lærerne i 3.s

MMR har i dag meddelt, at det i år IKKE er muligt for eleverne at gå til skriftlig eksamen i FØR-A i grupper!

Til vinnu- og miðnámsskúlarnar

Próvtakararnir skulu í sambandi við próvtøku í FØR-A mánadagin 21. mai 2012 í teimum gymnasialu miðnámsútbúgvingunum hava:

1. oyratelefonir ella oyrasniglar við til próvtøku, so teir uttan at órógva hinar próvtakararnar kunnu avspæla talgilt próvtøkutilfar

2. innstallerað Windows Media Player ella samsvarandi fyri at kunna avspæla nakað av próvtøkutilfarinum talgilt.

Vinarliga kunnið næmingarnar um hetta.
Vinarliga / Kind regards
Claus Reistrup«.

Lærararnir hava havt fund fyrrapartin, og hava sent út fylgjandi mótmælisskriv:

»Vit lærarar í føroyskum í Hoydølum mótmæla mannagongdini í sambandi við at avtaka bólkapróvtøkuna, og at nýtt tekstaslag verður partur av próvtøkuni, sum hvørki lærarar ella næmingar, vita hvat er. Hetta er als ikki í samsvari við kunngerðina og vanliga undirvísingarpraksis. Í kunngerðunum fyri føroyskt stk. 12.1 í studentaskúlakunngerðini og stk. 10.1 í HF-kunngerðini verður talgilt tilfar als ikki nevnt.

At hetta verður sent okkum lærarum og næmingum til kunningar bara fimm dagar fyri próvtøkudagin er átaluvert og kann ikki verða góðtikið. Lærararnir hava allir havt sínar seinastu undirvísingartímar og kunnu tí ikki fyrireika næmingarnar til hesi broyttu próvtøkukrøvini.

Harafturat er hetta brot á alla rættar- og umsitingarliga siðvenju. Tá ið broytingar av hesum slagi verða gjørdar, eigur borgari (heruppií næmingar og lærarar) at verða kunnaður í so góðari tíð, at møguleiki í allar mátar er at laga seg til innihaldið í broytingunum.

Hetta er beinleiðis oyðileggjandi fyri samskiftið og trúvirðið millum næmingar og lærarar. Mentamálaráðið kann við hesum verða orsøk til beinleiðis álitisbrot millum undirvísingarpartarnar.

Heldur ikki kann tað verða góðtikið, at næmingar verða noktaðir at fara upp til bólkapróvtøku við so stuttum skotbrái. Slíkt eigur at vera kunngjørt ár frammanundan. Her er at leggja afturat, at til várroyndina vóru allir flokkar uttan ein til bólkapróvtøku, og at næmingarnir hava roynt seg í hesum próvtøkuformi í undirvísingini. Øll hesi, sum vóru til bólkaroynd til várroyndina hava valt at fara til bólkapróvtøku.

Lærararnir í føroyskum í Hoydølum«.]]> 2012-05-16T14:29:30+00:00 http://aktuelt.fo/grein/skrivadi_telefonnummar_i_bloi http://aktuelt.fo/grein/skrivadi_telefonnummar_i_bloi#When:13:36:24Z
Hann var ein av teimum trimum, sum komu undan við lívinum av teimum av 10, sum vórðu skotin í Lítlasali á Utøya.

Hann varð raktur í andlitið, og sum eina avleiðing fekk hann ikki tosað. Hann skrivaði tí telefonnummarið hjá foreldrunum við blóði í gólvið, so hini yvirlivandi kundi ringja og siga frá, at hann var á lívi.

- Eg orkaði ikki at tosa og siga teimum telefonnummarið, greiddi hann frá í rættinum í dag.

Áðrenn Svelvikbúgvin í Vestfold kom inn í rættin, bað hjásitarin hjá honum, Elisabeth Hagen, um at Anders Behring Breivik skuldi fara úr rættarsalinum.

- Hann hevur stúrt ræðuligt fyri hesum degnum, men var sinnaður at royna. Nú síggja vit, hvussu trupult tað verður fyri hann, og vit óttast fyri, at hann ikki kann greiða frítt frá, um Breivik er til staðar, segði Elisabeth Hagen.

Anders Behring Breivik varð latin í hondjørn og leiddur út gjøgnum bakdyrnar av salinum saman við verjanum, Odd Ivar Grøn, og teir fylgdu avhoyringini á videoskíggja.

Tað skrivar norska heimasíðan, vg.nett

Myndin vísir ein reinan og ruddiligan Lítlasal.]]> 2012-05-16T13:36:24+00:00 http://sportal.fo/grein/danski_em_hopurin_uttikin http://sportal.fo/grein/danski_em_hopurin_uttikin#When:12:56:18Z
Hann bíðar við tveimum útileikarum til danska kappingin er liðug, har resta tveir dystir.

Triðja valið á málmanspostinum stendur millum Andersw Lindegaard og Kasper Schmeichel.

Hópurin sær higartil soleiðis út:

Thomas Sørensen

Stephan Andersen

Andreas Bjelland

Daniel Agger

Daniel Wass

Lars Jacobsen

Simon Poulsen

Simon Kjær

Christian Poulsen

Christian Eriksen

Jakob Poulsen

Lasse Schøne

Michael Silberbauer

Niki Zimling

Thomas Kahlenberg

William Kvist

Dennis Rommedahl

Michael Krohn-Dehli

Nicklas Bendtner

Tobias Mikkelsen]]> 2012-05-16T12:56:18+00:00 http://sportal.fo/grein/kari_nielsen_gevst_sum_h71_venjari http://sportal.fo/grein/kari_nielsen_gevst_sum_h71_venjari#When:12:43:46Z
Tað veit heimasíðan Hvannrók at siga.

Kári Nielsen sigur við heimasíðuna, at stundir ikki eru longur til krevjandi venjarastarvið.

Annars hevur Kári Nielsen verið H71 drúgvur. Felagið vann í ár sítt næsta meistaraheiti í søguni, og báðar ferðir hevur tað verið við Kára Nielsen við róðri. Fyrru ferð var í 2009, g tá vandi Kári Nielsen felagið saman við Birgir Hansen.

Enn er ikki greitt, hvør tekur yvir sum venjari hjá H71 eftir Kára Nielsen.]]> 2012-05-16T12:43:46+00:00 http://sportal.fo/grein/enska_landslidi_uttiki http://sportal.fo/grein/enska_landslidi_uttiki#When:12:10:50Z
Hópurin:

Málmenn: Joe Hart(Man City), Robert Green(West Ham) og John Ruddy(Norwich).

Verjuleikarar: Glen Johnson(Liverpool), Gary Cahill(Chelsea), John Terry(Chelsea), Ashley Cole(Chelsea), Leighton Baines(Everton), Joleon Lescott(Man City) og Phil Jones(Man Utd).

Miðvallarar: Steven Gerrard(Liverpool), Frank Lampard(Chelsea), Gareth Barry(Man City), Ashley Young(Man Utd), Scott Parker(Tottenham), Alex Oxlade-Chamberlain(Arsenal), Stewart Downing, Theo Walcott(Arsenal) og James Milner(Man City).

Áleyparar: Wayne Rooney(Man Utd), Jermain Defoe(Tottenham), Andy Carroll(Liverpool) og Danny Welbeck(Man Utd).

Adam Johnson, Jordan Henderson, Phil Jagielka, Daniel Sturridge og Jack Butland eru í bíðustøðu. Verður onkur skaddur ella tveittur heim, so er tað onkur av hesum fimm, ið kemur í teirra stað.]]> 2012-05-16T12:10:50+00:00 http://aktuelt.fo/grein/kvadacruise_i_fagrasta_veri http://aktuelt.fo/grein/kvadacruise_i_fagrasta_veri#When:11:38:11Z
Í staðin verður kvæðatúrurin framdur í komandi viku, og fyri tey, sum ikki eru sjóulkir burturav, er hetta góð tíðindi. Tí veðurvánirnar fyri komadi viku eru sera blíðar, og tað er hóast alt hugnaligari, enn at koyggjan stendur á skránni.

- Tað verður neyðugt at broyta skránna eitt lítið sindur. Nú verður til dømis eingin heiligdagur á túrinum, og tí er lesturin, sum annars skuldi havt verið Kristi Himmalferðardagur, avlýstur, sigur Svein í Heðiunum, sum er cruiseleiðari á ferðini.

Onnur smávegis broyting er, at undirhaldið verður skift út frá einum nólsoyingi til annan. Terji Rasmussen skuldi verið við á ferðini hesa vikuna, men nú verður tað so Kim Hansen í staðin.

Annars hevur tvungna útsetanin ikki havt tann stóra týdningin.

- Onkur hevur meldað frá, tí tað ikki liggur fyri í komandi viku, men aftur fyri eru nøkur komin upp á, har tað ikki lá fyri í síðstu viku, sigur Svein í Heiðunum.

Tað merkir, at tað framvegis eru nøkur fá pláss eftir til túrin, so um kvæðini ella góða veðrið lokkar, er bara at seta seg í samband við Smyril Line.
]]> 2012-05-16T11:38:11+00:00