Sverri Egholm

29.12.2017 - 21:02

Aftur í ár skipar Dansifelagið Tøkum Lætt fyri tí vælumtókta 13. kvølds dansi í Sjónleikarahúsinum. Í ár fellur trettanda kvøld á leygardag, og tí verður dansurin nettupp leygardagin 6. januar.

Hetta er 24. árið at skipað verður fyri hesum tiltakinum og tað er blivið tað størsta av sínum slagi í Føroyum.

Hetta er vanliga eitt sera gott dansikvøld við nógvum góðum kvæðum. Men kvøðið verður eisini lættari kvæði, so øll kunnu vera við. Út á náttinan fáa fólk smurt breyð, kaffi og te og smákøkur.

Byrjað verður klokkan 22 leygardagin tann 6. januar 2018.