Niels Petersen

07.01.2017 - 17:42

Ternan, sum fyrr í vikuni mátti lúta fyri KÍF í steypakappingini kláraði heldur onki at gera við TB í dag. Kvinnurnar av Tvøroyri vunnu greiðan 1-3 sigur á Toftum, og TB hevur nú 14 stig fyri 7 dystir.

Kvinnurnar úr Kollafirði tryggjaðu sær fyrr í vikuni sætið í hálvfinalunum í steypakappingini, og í dag vunnu tær aftur. Tær hava nú 17 stig fyri 7 dystir, og liggja væl fyri í oddastríðnum. Saman við TB eru tær beint í hølunum á Drátti, sum hevur 18 stig, men fyri 6 dystir.

Seinast kvinnurnar spældu í landskappingini var 27. november, og loksins fóru tær í gongd aftur. Tær hava annars spælt í steypakappingini síðan steðgin í november.

Tveir aðrir dystir verða í Meistaradeildini hjá kvinnum hetta leikumfarið, og tað verður í Sørvági, har SÍ tekur móti ÍF, og á Giljanesi, har oddaliðið Dráttur tekur móti Fleyr.

Støðan í deildini er henda:

1. Dráttur 18 stig fyri 6 dystir
2. KÍF        17 stig fyri 7 dystir
3. TB         14 stig fyri 7 dystir
4. Mjølnir  11 stig fyri 7 dystir
5. Fleyr       8 stig fyri 6 dystir
6. ÍF            4 stig fyri 6 dystir
7. SÍ            3 stig fyri 6 dystir
8. Ternan    3 stig fyri 7 dystir

Dystarskráin:

08.01.2017:
Kl. 14.00 SÍ - ÍF

09.01.2017:
Kl. 19:30 Dráttur - Fleyr