Bárður Nielsen, formaður í Sambandsflokkinum (Mynd: Sverri Egholm)

Triðja viðgerð verður helst týsdagin

Sverri Egholm

09.12.2017 - 08:37

Tíðindi > Samfelag & Politikkur > Landspolitikkur

Fiskivinnuuppskotið hjá Høgna Hoydal varð í gjárkvøldið samtykt við aðru viðgerð við 16 atkvøðum fyri og 15 ímóti.

Samgongan hevði gjørt avtalu við Magna Laksáfoss, tingmann fyri Sambandsflokkin, um at ikki atkvøða í málinum - ein sonevnd kliring - nú Kristin Michelsen var staddur uttanlands í gjárkvøldið.

Tí fer málið nú til triðju og seinastu viðgerð, sum helst verður týsdagin. Í øllum førum tíðliga í næstu viku.

Tað ljóðar, at Kristin Michelsen er aftur í landinum tá, og tí er stórur spenningur um, hvat hann tá fer at atkvøða í málinum. Í Framsókn eru tey framvegis ivasom hóast báðar tingkvinnurnar hjá flokkinum atkvøddu fyri við aðru viðgerð.

Hanna Jensen, tingkvinna fyri Framsókn, segði í gjárkvøldið, at flokkurin ivaðist í at atkvøða fyri uppskotinum við triðju viðgerð. Hon segði, at flokkurin møguliga fór at krevja broytingar. Hjá Framsókn er tað serliga økiskvoturnar á 8,5 prosent, sum koma illa við.

Les eisini: Bárður Nielsen: - Hetta skalar álitið okkara millum

Les eisini: Magni Laksáfoss rýmdi úr tingsalinum