Heðin Mortensen, borgarstjóri, krúnaði Turið Elinborgardóttir, sum er Miss Universe Faroe Islands. Mynd: torshavn.fo

Turið Elinborgardóttir umboðar Føroyar í Miss Universe Denmark í dag

Veitst tú eina søgu?

Er tað ein søga, sum ikki hevur staðið á Portalinum?

» Send inn

Marin Eidesgaard

15.08.2015 - 15:39

Tíðindi > Uttanlands > Annað

Í dag skal Turið Elinborgardóttir umboða Føroyar í kappingini Miss Universe Denmark, ið verður hildin á Bella Sky í Keypmannahavn.

Leygarkvøldið 25. juli varð Turið krúnað sum Miss Universe Føroyar. Hetta varð gjørt í samband við tónleikatiltakið Tórsfest, sum var í miðbýnum í Havn, og Heðin Mortensen, borgarstjóri, krúnaði hana.

Føroyski sniðgevin Laila av Reyni hevur gjørt kjólar til allar luttakararnar, og í kvøld kunnu øll fylgja við kappingini, sum byrjar kl. 18.00 føroyska tíð, inni á Youtube.

Vinnur man kappingina Miss Universe Denmark, sleppur man víðari til Miss Universe International.

Tann, ið vinnur, skrivar undir ein sáttmála og skal síðani gera hjálpararbeiði og ymiskt, sum hevur vælgerandi endamál, antin í Danmark ella New York, um man vinnur altjóða kappingina.

Sí nakrar myndir niðanfyri.