Mynd: Jens Kr. Vang

- Vánaligt hjúnaband um man altíð skal tosa um at skiljast



Veitst tú eina søgu?

Er tað ein søga, sum ikki hevur staðið á Portalinum?
» Send inn

Sverri Egholm

12.06.2018 - 20:28

Tíðindi > Samfelag & Politikkur > Landspolitikkur

Vit eiga ikki at brúka alt ov nógva tíð at tosa um Føroyar og Danmark skulu vera í sama felagsskapi ella ikki, heldur danski forsætismálaráðharrin, Lars Løkke Rasmussen,

Hetta segði hann millum annað við Dag & viku aftaná ríkisfundin við Leynavatn í dag.

- Tað er eitt vánaligt hjúnaband, um man undir hvørjum døgurða tosar um at skiljast ella ikki, segði danski forsætismálaráðharrin

- Føroyska luttøkan í ríkisfelagsskapinum hevur gjørt at Føroyar eru alsamt meira sjálvstøðugar. Ikki bara formelt, men reelt. Hetta haldi eg, at vit eiga at práta meira um.

- Man kann gott hava formelt sjálvstýri, men hevur man ikki nakran avgerðarrætt, er tað ikki áhugavert, segði Lars Løkke Rasmussen, og segði tað vera positivt at blokkurin fyllir alsamt minni í føroyska búskapinum.

Hann heldur at heimastýrislógin riggar væl og sigur, at heimurin er í eini broytingartíð, og at tað er skilagott við samstarvi, og vónar at tað kann vera ein partur av sjálvstýriskjakinum í Føroyum og Grønlandi.

- Men í síðsta enda er tað ikki mín avgerð. Tað lati eg trygt til føroyska fólkið at avgera.

Hoyr alla samrøðuna her