Uppskrift: Fittar páskakoppakøkur

Hesar fittu páskakaninurnar kanst tú gera í páskafrítíðini saman við børnunum. Tær eru bæði nemmar og stuttligar at gera.

Tilfar til 12 stk.

115 g mjøl

1 ½ tsk bakipulvur

115 g bleytt smør

115 g sukur

2 egg

Fínt rivið skal av einari vistfrøðiligari sitrón

2 spsk mjólk

Hvítt sjokoláta smørkrem:

230 g smør

150 g hvít sjokoláta

1 tsk vanilju ekstrakt

440 g flormelis

Soleiðis gert tú:

Tendra ovnin á 190 stig

Síla mjøl og bakipulvur í ein bolla. Koyr síðani smør, sukur, egg, sitrónskal og mjólk í og píska alt væl saman. Koyr deiggið í koppakøkuformar við eini skeið.

Baka køkurnar í 16 – 20 min ella til tær eru rísnar og gyltar. Lat tær kólna áðrenn kremið verður koyrt á.

Kremið:

Píska smørið til tað er ljóst og kremut.

Koyr vanilju ekstrakt og helvtina av flormelisinum í smørið og píska.

Stoyt síðan restina av flormelisinum í og píska aftur.

Smelta sjokolátuna og lat kólna eitt sindur.

Koyr smeltaðu sjokolátina í og píska til tað er javnt og bleytt.

Um smørkremið tykist ov turt, kann eitt sindur av mjólk latast í.

Pynt:

Sukur

Pastafarva

Skúmgæti

Kokus

Sukureygu

Krymmel

Koyr sukur og pastafarvu í ein plastikposa. Arbeið tað væl saman og rist posan av og á.

Klipp síðani skúmgætið skrátt sum víst á myndini.

Dippa tann klipta endan niður í litaða sukurið.

Sproyta smørkremið á koppakøkurnar og dippa tær í kokus so tað dekkar kremið.

Set síðan oyrini, eyguni, nøsina og snoddhárini á.

Stutt um meg

Eg eiti Sóley Dimon og eri 30 ára gomul, búgvi í Trongisvági saman við sjeikinum og saman hava vit tveir synir. Eg eri útbúgvin námsfrøðingur og starvist í barnagarðinum Mýrifípan. Mær dámar sera væl at vera kreativ og baka. Bakiáhugin stavar helst frá pápa, abba og langabba, ið allir vóru kondittarir.

Instagram: baksturogkrea_ur_gamlabo