Uttanlands

Ógvusligur samanbrestur í París

Mótmælisfólk og løgreglan eru brostin saman í franska høvuðsstaðnum í morgun. Eini 40 fólk eru handtikin

2018-12-01 11:15 Author image
Agnar Prestá
placeholder

Í París eru tey alt annað enn nøgd við bensinprísirnar. Hetta hava fólk gjørt vart við í eina tíð, og millum annað seinasta vikuskifit var ófriðarliga orsakað av óðum mótmælisfólki. 

Í morgun hevur løgreglan havt úr at gera. Vatnkanónir og eisini táragass eru nýtt ímóti mótmælisfólkunum, ið royndu at bróta ígjøgnum eina trygdarfyriskipan á Champs Elysees.

Miðskeiðis í franska høvuðsstaðnum, beint við Sigursbogan, eru áleið 5500 fólki í gulum vestum og gera vart við sína ónøgd. Sonevnda Yellow Vest -rørslan vísur sína ónøgd yvir, at tað er vorðið dýrari at liva; millum annað viðvíkjandi hægri prísi uppá diesel. Hetta skrivar heimasíðan hjá TV2.

[object Object]
"Gulu Vestarnir"(gilets jaunes) gera vart við seg við Sigursbogan (Mynd: EPA)

Mótmælisrørslan hevur ikki nakað politiskt tilknýti, men mynduleikar óttast fyri at víðgongd á bæði høgra og vinstra vonginum hava trongt seg inn í rørsluna. Tað er eisini ógvusligt; steinar eru kastaðir ímóti løgregluni, mótmælisfólk hava fingið snuddir og upplýst er, at í minsta lagi 39 eru handtikin í París í morgun. 


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder