Innanlands

Sjóvar kommuna heiðraði fimm sløkkiliðsmonnum

Teir fimm hava allir starvast hjá sløkkiliðinum í meiri enn 25 ár

Frá vinstru: Jan Abrahamsen, Hanus Heinesen, Sunleiv Højgaard, Niclas Davidsen og Harry Benjaminsen (Mynd: Hjalmar J. Juul)

Frá vinstru: Jan Abrahamsen, Hanus Heinesen, Sunleiv Højgaard, Niclas Davidsen og Harry Benjaminsen (Mynd: Hjalmar J. Juul)

2018-12-17 19:23 Author image
Ari av Rana
placeholder

Leygarkvøldið, 15. desember, blivu fimm sløkkiliðsmenn í Skálafjarðar Kommunala Sløkkliliði – SKS - heiðraðir fyri trúgva tænastu í sløkkiliðnum í meiri enn 25 ár. 

Á árliga jóladøguranum hjá sløkkiliðsmonnunum, sum í ár var í Oyndarfirði, helt formaðurin í Sløkkiliðnum, Jóhannus Danielsen borgarstjóri, talu fyri teimum fimm sløkkiliðsmonnunum, og handaði teimum heiðurstekin, skrivar Sjóvar kommuna.

Teir, sum fingu heiðurstekin, eru: 
Sunleiv Højgaard, Runavík, átaksleiðari – starvast í SKS í 33 ár 
Jan Abrahamsen, Strendur – starvast í SKS í 32 ár 
Hanus Heinesen, Nes, liðleiðari – starvast í SKS í 29 ár 
Niclas Davidsen, Toftir – starvast í SKS í 29 ár 
Harry Benjaminsen, Toftir – starvast í SKS í 29 ár

Tað er hennara hátign, drotning Margretha II, sum í 1973 stovnaði heiðurmerki fyri sløkkiliðsmenn. 

Eftir innstilling úr Føroyum, var tað stjórin í donsku tilbúgvingarnevndini, Beredskabsstyrelsen, sum góðkendi, at hesir fimm nú hava fingið heiðurstekin fyri trúgva tænastu í sløkkiliðnum í 25 ár, og er tað fyrstu ferð, at hesi heiðurstekin eru latin í Føroyum. 

SKS er eitt felags sløkkilið fyri Sjóvar-, Runavíkar- og Nes kommunur og samstarvið hevur 44 ár á baki. 

Sløkkiliðið, hevur sera trúðfasta manning. Fyri gott trimum árum síðani blivu átta sløkkiliðsmenn heiðraðir fyri 40 ára trúgva tænastu við “Dronningens fortejenstemedalje i sølv”. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder