Møguliga væl meira enn 30 milliónir í meirnýtslu

Eingin veit hvussu stór samlaða rokningin fyri Glasir verður, en nógv bendir á, at staðfesta meirnýtslan á 14 milliónir verður væl størri.

Keldur hjá Kringvarpinum vísa á, at staðfesta meirnýtslan kann gerast omanfyri 30 milliónir krónur, men hetta er ikki váttað hjá almennu myndugleikunum.

Á Landsverki hava tey ikki yvirlit yvir støðuna í løtuni, og arbeiða við at fáa yvirlit. Og í Samferðslumálaráðnum bíðar Heðin Mortensen eftir yvirlitinum frá Landsverki.

Yvirnýtslan hevði við sær at Ewald Kjølbro fór frá sum stjóri beint fyri jól, og at misálit varð lagt fram móti Rigmor Dam, landsstýriskvinnu í mentamálum. Misálitisuppskotið fall tó, og nú fer løgmaður at seta ein advokat at gera kanning av málinum.