Undantøkini verða longd

Verkfallið hjá sjúkrarøktarfrøðingunum, sum byrjaði mánamorgunin, heldur fram, men undantøkini sum Sjúkrahúsverkið hevur fingið, vera eisini longd.

Tað upplýsti Óluva í Gong, forkvinna í Felagnum føroyskir Sjúkrarøktarfrøðingar, fyri útvarpinum á døgurða.

Vit hava gingið stórt sæð øllum umbønunum á møti, og tað merkir at Sjúkrahúsverkið verður mannað stórt sæð sum vanligt um vikuskiftið, sigur Óluva í Gong.

Hon sigur, at verkfallið merkist væl á summum deildum, men á øðrum deildum merkist tað nærum ikki.

Undantøkini eru galdandi til týsdagin.