Jóla- og stuðulskonsert í Miðvágs kirkju

Fríggjakvøldið 1. desember verður jóla- og stuðulskonsert í Miðvágs kirkju til frama fyri átakinum Í Menniskjum Góður Tokki hjá Barnabata.

– Kom í jólahýr saman við okkum tá vit bæði syngja saman - og hoyra sera góðan jólatónleik hetta kvøldið. Konsertin er ókeypis, men vit seta krukkur upp í forkirkjuni, sum fólk kunnu leggja pening í, skrivar Miðvágs kirkja.

Innkomni peningurin fer óskerdur til Barnabata.

Tey, sum fara at framføra á konsertini, sum byrjar klokkan 19.30, eru Tórfríð Tavsen, Halleluja Sofus og Lýdia, Blátt gras, Erla Leonson, Hans Ravnsfjall, Óluva og Dorthea, og Edith Dahl Jakobsen og Allan Tavsen.