Væleydnað trygdarvenjing um borð á Teistanum

Hósdagin í farnu viku varð skipað fyri trygdarvenjing um borð á Teistanum.

At hava trygdarvenjingar er ein náttúrligur og kravdur partur av at reka ferðamannaskip, og vera hesar gjørdar regluliga.

Tað er sera umráðandi fyri trygdina um borð, at manningarnar fáa neyðugu umstøðurnar og tíð til at gera kravdu venjingarnar í, skrivar SSL á heimasíðuni.

Fyri at minka mest møguligt um avlýsingar vegna trygdarvenjingar, varð avgjørt at kalla báðar manningarnar, sum skiftast um at sigla við Teistanum, inn soleiðis at allir kundu luttaka í venjingini samstundis.