Vánalig kyrra higartil í vetur

Vánaliga kyrran í vetur hevur darvað summun av leiðunum hjá Strandfaraskipum Landsins.

Hetta merkist ójavnt kring landið, men sjálvsagt hevur vánalig kyrra størst ávirkan á smærru oyggjunum sum skipini hjá SSL sigla til.

Sum dømi kann nevnast at tað enn ikki hevur eydnast at fáa lastbilin til avgreiðsluna í Svínoy, út til arbeiðis enn. Ætlanin hevur frá byrjan av verið at bilurin skal fara út við Sam so skjótt sum tað viðrar, skrivar Strandferðslan á heimasíðuni.

Samferðsludeildin, sum varðar av avgreiðslunum kring landið, hevur í tøttum samstarvi við avgreiðslumenn og manning á Sam roynt fleiri ferðir at fáa skipa fyri farmatúri til Svínoyar men til fánýtis.

Vónandi fer hetta at eydnast í næstum.