Ari av Rana
Seinastu mánaðirnar eru gjørdar tiltrongdar dagføringar í bæði Dagrøktarhúsinum – spælistovuni Skálalund – og í VB-húsinum.
Dagrøktarahúsið fingið tiltrongda dagføring
Í Dagrøktarhúsinum – ella spælistovuni Skálalund, sum húsið eitur – eru nú gjørdar tiltrongdar dagføringar í húsinum.
Nýtt gólv er lagt á og nýggjar hurðar eru komnar í staðin fyri gomlu hurðarnar. Og harumframt eru gjørdar dagføringar á hitaverkinum.
Seinastu árini eru fleiri dagføringar gjørdar í spælistovuni Skálalund og eru bæði starvsfólk, foreldur og børn glað um hetta, skrivar Vágs kommuna.
Spælistovan Skálalund verður brúkt av Dagrøktini í Vági, har børn upp til 3 ára aldur eru í ansing.
Dagføringarnar í VB-húsinum halda áfram!
Seinastu mánaðirnar er gongd sett á umfatandi dagføringar í VB-húsinum og í Vágs Høll.
Nú eru eisini WC’ini í skiftirúmunum í VB-húsinum gjørd av nýggjum. Harumframt eru eisini gjørdar dagføringar í brúsurúmunum og í skiftirúmunum, sum eru gjørd klár til fótbóltskappingarárið.
Arbeiðið er framt av tekniska toyminum hjá Vágs kommunu.
-Okur eru sera glað um, at hava dugnalig starvsfólk á teimum nógvu kommunalu økjunum, ikki minst á tekniska økinum, sigur Dennis Holm, borgarstjóri.
Dagføringarnar í VB-húsinum og Vágs Høll halda áfram komandi mánaðirnar.
Vinarliga broyt tínar kennifíla - og privatlívsstillingar fyri at síggja hetta innihald