Ari av Rana
Amerikanska songkvinnan Ariana Grande hevur megnað tað, sum einans The Beatles hava megnað áður - at eiga trý hitt av somu fløgu ovast á Billboard Hot 100 listanum í USA.
The Beatles framdu eitt bragd í 1964, tá sangirnir “Can’t Buy Me Love”, “Twist and Shout” og “Do You Want to Know a Secret” lógu á trimum teimum fremstu plássununum á Billboard listanum. Tá lógu sangirnir enntá tvær ferðir ovast á listanum.
Nú 55 ár seinni er bragdið endurtikið. Ariana Grande hevur fyri kortum givið út nýggja fløgu og í løtuni liggja tríggir sangir av fløguni “Thank U, Next” ovast á Billboard Hot 100 listanum. Tað eru sangirnir “7 Rings”, “Break Up With Your Girlfriend, I’m Bored” og “Thank U, Next”.
Billboard Hot 100 listin byggir á mest spældu sangirnar, bæði á fløgu, talgilt, hvussu ofta teir verða spældir í útvarpinum og hvussu ofta teir verða stroymdir.
Ariana Grande hevur havt nógva framgongd farna árið, og var í 2018 vald til “Ársins Kvinna” av Billboard.
Vinarliga broyt tínar kennifíla - og privatlívsstillingar fyri at síggja hetta innihald