Frontalur samanstoytur í Øravík

Nakað eftir klokkan fýra seinnapartin í gjár hendi eitt ferðsluóhapp í Øravík. Tveir bilar stoyttu saman frontalt, og materielli skaðin var stórur.

Ein persónur var í eina bilinum og trý í hinum.

Løgreglan sigur at fólkini vóru send á sjúkrahúsið til kanningar, men vóru sloppin lætt.

Bilarnir hinvegin fórust illa, fingu stóran skrokkskaða og pláturnar vórðu tiknar av.