Farmaskipini sloppin av við sandin

Farmaskipini hjá Navigare, Hav Atlantic og Hav Nes, eru loksins sloppin at leggja sandin í lastini upp á Sundi. Tað veit Kringvarpið.

Tey bæði skipini komu til Føroya við fullari last av sandi mikudagin, men verkfalsvaktir forðaðu teimum at leggja at. Hetta var eftir røttum verkfalsrakt arbeiði, søgdu arbeiðarafeløgini.

Skipini blivu løgd í Runavík. Kringvarpið veit í dag, at sandurin er lagdur upp á Sundi, og skipini eru farin víðari.