Koyrdi ávirkaður av rúsevnum

Seinasta samdøgrið hevur sum heild verið friðarligt, sigur løgreglan.

Løgreglan hevur verið úti og kannað ferðsluna kring landið, men sum heild hevur verið gott skil á, sigur vaktleiðarin á løgreglustøðini í Havn.

Ein bilførari, sum varð steðgaður í Eysturoynni í gjár, er tó skuldsettur fyri at koyra ávirkaður av rúsevnum.

Í morgun kom eisini ein fráboðan um grind millum Vágar og Leynar, men tá fólk fóru at leita, varð eingin grind funnin, sigur vaktleiðarin.