Hamas: Yvir 200 palestinar lótu lív undir bjargingarátaki

Sambært Hamas vórðu yvir 200 palestinar dripnir og yvir 400 særdir, tá ísraelski herinum í gjár bjargaði fýra ísraelskum gíslum úr Nuseirat-flóttafólkaleguni í Gaza.

Hesi tølini eru tó ikki váttað av øðrum keldum. Daniel Hagari, talsfólk hjá ísraelska herinum sigur, at talið sambært ísraelska herinum er munandi lægri.

– Vit vita um undir 100 palestinsk offur. Eg veit ikki, hvussu nógv av teimum eru yvirgangsfólk, sigur hann sambært Ritzau.

Undir bjargingarátakinum framdi herurin eisini álop á tvey mál hjá Hamas, og smbært talsfólki hjá Hamas, lótu nakrir gíslar eisini lív í ísraelsku álopunum.

Les eisini: Ísraelski herurin: Fýra gíslar bjargaðir úr Gaza